Lathi

RAMADHAN (4)

꧋ꦏꦤ꧀ꦛꦶꦩꦁꦏꦺꦴꦤꦺꦴꦲꦚ꧀ꦗꦒꦲꦮꦏ꧀ꦏꦺꦣꦺꦮꦺꦲꦶꦁꦱꦠꦼꦔꦃꦲꦶꦁꦏꦁꦏꦸꦫꦁ

ꦚꦼꦤꦼꦁꦔꦏꦺꦲꦶꦏꦶꦥꦼꦂꦭꦸꦧꦔꦼꦠ꧀꧈ꦱꦼꦥꦶꦱꦤ꧀ꦲꦚ꧀ꦗꦒꦏꦉꦱꦶꦏ꧀ꦏꦤꦣꦶꦫꦶ

ꦭꦤ꧀ꦲꦚ꧀ꦗꦒꦆꦩꦸꦤꦶꦠꦱ꧀ꦲꦮꦏ꧀ꦱꦸꦥꦪꦠꦼꦠꦼꦥ꧀ꦱꦺꦲꦠ꧀ꦧꦒꦱ꧀ꦮꦫꦱ꧀꧈

ꦭꦤ꧀ꦲꦚ꧀ꦗꦒꦏꦼꦲꦩꦤ꧀ꦤꦤ꧀ꦭꦶꦁꦏꦸꦔꦤ꧀ꦲꦩꦿꦶꦃꦲꦺꦴꦫꦔꦤ꧀ꦠꦶꦏꦼꦕꦺꦴꦭꦺꦴꦁꦔꦤ꧀ꦢꦺ

ꦤꦶꦁꦮꦺꦴꦁꦏꦁꦢꦸꦮꦺꦤꦶꦪꦠ꧀ꦠꦸꦩꦶꦤ꧀ꦢꦏ꧀ꦲꦭ꧈ꦩꦭꦶꦁꦭꦤ꧀ꦱꦥꦤꦸꦁꦒꦭ꧀ꦭꦤ꧀ꦤꦺ꧉

꧋ꦮꦼꦏꦱ꧀ꦱꦤ꧀ꦤꦺꦏꦁꦧꦶꦱꦏꦠꦶꦤ꧀ꦢꦏ꧀ꦏꦏꦺꦪꦲꦶꦏꦸꦢꦼꦢꦺꦴꦔꦱꦸꦥꦪꦏꦲꦤꦤ꧀ꦲꦶ

ꦏꦶꦧꦭꦶꦥꦸꦭꦶꦃꦤꦺꦴꦂꦩ꧀ꦭꦸꦩꦿꦃꦮꦗꦂ꧉ꦩꦸꦩ꧀ꦥꦸꦁꦲꦶꦏꦶꦶꦲꦶꦁꦮꦸꦭꦤ꧀ꦫꦩꦣꦤ꧈ꦮꦸꦭꦤ꧀

ꦏꦁꦏꦼꦧꦏ꧀ꦧꦂꦏꦃꦩꦸꦒꦩꦸꦒꦭꦭꦫꦏꦺꦴꦥ꦳ꦶꦢ꧀꧇꧑꧙꧇ꦲꦺꦁꦒꦭ꧀ꦱꦶꦂꦤ

ꦭꦤ꧀ꦥꦶꦲꦏ꧀ꦏꦼꦲꦩꦤꦤ꧀ꦧꦶꦱꦚꦼꦒꦃꦲꦩ꧀ꦧꦿꦱ꧀ꦠꦮꦺꦴꦁꦮꦺꦴꦁꦏꦁꦠꦸꦩꦤ꧀ꦢꦏ꧀ꦲꦭ꧉

ꦱꦠꦼꦩꦼꦤ꧀ꦤꦺꦮꦶꦱ꧀ꦲꦤꦱꦱꦤ꧀ꦠꦶꦏꦁꦲꦸꦤꦶꦤꦺꦱꦸꦫꦢꦶꦫꦗꦪꦤꦁꦫꦠ꧀ꦭꦼꦧꦸꦂꦢꦺꦤꦶꦁ

ꦥꦔꦱ꧀ꦠꦸꦠꦶ꧉ꦱꦼꦥꦶꦫꦒꦼꦣꦺꦭꦤ꧀ꦲꦤ꧀ꦢꦽꦧꦭꦤꦺꦏꦢꦸꦂꦗꦤꦤ꧀ꦧꦏꦭ꧀ꦱꦶꦂꦤ

ꦢꦺꦤꦶꦁꦠꦸꦩꦶꦤ꧀ꦢꦏ꧀ꦏꦧꦼꦕꦶꦏ꧀ꦏꦤ꧀꧉        ꧁ꦤꦸꦮꦸꦤ꧀꧂

RAMADHAN (3)

‌꧋ꦔꦤ꧀ꦠꦶꦏꦥꦤ꧀ꦮꦧꦃꦏꦺꦴꦥ꦳ꦶꦢ꧀꧇꧑꧙꧇ꦲꦶꦏꦶꦩꦤ꧀ꦝꦼꦒ꧀ꦲꦺꦴꦫꦲꦤꦱꦶꦁꦔꦼꦂꦠꦶ꧉

ꦪꦩꦸꦁꦱꦏꦲꦣꦼꦣꦱꦂꦏꦱꦣꦂꦫꦤ꧀ꦩꦱꦾꦫꦏꦠꦲꦁꦒꦺꦴꦤ꧀ꦤꦺꦲꦁꦒꦸꦒꦸꦲꦠꦸꦂꦫꦤ꧀ꦏꦁ

ꦮꦶꦱ꧀ꦢꦶꦒꦮꦺꦥꦩꦫꦺꦤ꧀ꦠꦃ꧉ꦩꦤꦮꦧꦼꦤꦼꦂꦧꦼꦤꦼꦂꦩꦶꦠꦸꦲꦸꦭꦤ꧀ꦧꦶꦱꦲꦚ꧀ꦗꦒ

ꦲꦮꦏ꧀ꦏꦺꦣꦺꦮꦺꦭꦤ꧀ꦭꦶꦁꦏꦸꦁꦔꦤꦏꦶꦮꦠꦼꦔꦼꦤ꧀ꦤꦺ꧈ꦮꦧꦃꦲꦶꦏꦶꦩꦼꦱ꧀ꦛꦶꦲꦺꦁꦒꦭ꧀ꦩꦼꦤ꧀ꦝ꧉

꧋ꦲꦤꦔꦶꦁꦢꦸꦫꦸꦁꦔꦤ꧀ꦠꦶꦮꦧꦃꦲꦶꦏꦶꦱꦸꦢ꧈ꦮꦶꦱ꧀ꦏꦠꦩ꧀ꦧꦃꦲꦤ꧀ꦏꦲꦤꦤ꧀ꦏꦁꦲꦺꦴꦫꦚꦼꦤꦼꦁꦔ

ꦏꦺꦲꦩꦂꦒꦣꦩ꧀ꦥꦏ꧀ꦢꦶꦧꦺꦧꦱ꧀ꦱꦏꦺꦤꦥꦶ꧉ꦲꦏꦺꦃꦥꦮꦂꦠꦠꦶꦤ꧀ꦢꦏ꧀ꦏꦼꦗꦲ


ꦠꦤ꧀ꦩꦲꦶꦁꦏꦤꦏꦺꦤꦺ꧉ ꦏꦲꦤꦤ꧀ꦲꦶꦏꦶꦤꦩ꧀ꦧꦃꦲꦶꦫꦱꦮꦱ꧀ꦱꦸꦩꦼꦭꦁꦏꦁꦠꦸꦤ꧀ꦝꦺꦴ

ꦤꦺꦧꦶꦱꦚꦼꦧꦧ꧀ꦧꦏꦺꦆꦩꦸꦤ꧀ꦲꦸꦠꦮꦣꦪꦠꦲꦤ꧀ꦠꦸꦧꦸꦃꦱꦸꦢ꧉ꦱꦸꦢꦤꦶꦁ

ꦆꦩꦸꦤ꧀ꦲꦶꦏꦶꦧꦔꦼꦠꦲꦤ꧀ꦢꦢꦺꦏ꧀ꦏꦏꦺꦱꦩꦸꦧꦫꦁꦭꦭꦫꦒꦩ꧀ꦥꦁꦠꦸꦩꦩ꧉

RAMADHAN (2)

tut wuri handayani

  ꧋ꦕꦼꦼꦼꦛꦤꦺꦲꦁꦒꦺꦴꦤ꧀ꦤꦺꦏꦸꦩ꧀ꦥꦸꦭ꧀ꦏꦸꦩ꧀ꦥꦸꦭꦢꦶꦭꦫꦁꦏꦁꦒꦺꦴꦱꦮꦠꦫꦮꦼꦏ꧀ꦠꦸꦲꦶꦏꦶ꧉

ꦏꦊꦧꦸꦱꦺꦴꦭꦠ꧀ꦗꦩꦔꦃꦲꦶꦁꦩꦱ꧀ꦗꦶꦢ꧉ꦱꦼꦩꦺꦴꦤꦺꦴꦲꦸꦒꦱꦺꦴꦭꦠ꧀ꦠꦫꦮꦺꦃ

ꦲꦶꦁꦠꦲꦸꦤ꧀ꦲꦶꦏꦶꦲꦺꦴꦫꦢꦶꦲꦺꦤꦺꦏ꧀ꦏꦏꦺꦏꦪꦥꦢꦠꦤ꧀꧈ꦤꦔꦶꦁꦕꦸꦏꦸꦥ꧀ꦱꦺꦴ

ꦭꦠ꧀ꦠꦫꦮꦺꦃꦲꦶꦁꦲꦺꦴꦩꦃꦲꦺꦣꦺꦮꦺꦣꦺꦮꦺ꧉ꦏꦼꦒꦶꦪꦠꦤ꧀ꦭꦶꦪꦤꦺꦏꦪ

ꦥꦼꦔꦗꦶꦪꦤ꧀꧈ꦠꦢꦫꦸꦱ꧀ꦱꦤ꧀ꦏꦁꦔ꧀ꦭꦶꦧꦠ꧀ꦠꦏꦺꦮꦺꦴꦁꦲꦏꦺꦃꦲꦸꦒꦢꦶꦲꦚ꧀ꦗꦸꦂꦫꦏꦺ

ꦲꦺꦴꦫꦢꦶꦭꦏ꧀ꦱꦤꦏ꧀ꦏꦏꦺ꧉

RAMADHAN (1)

                                                                ꧁ꦫꦩꦣꦤ꧀꧂

‌‌꧋ꦮꦶꦱ꧀ꦢꦢꦶꦏꦼꦮꦗꦶꦧ꧀ꦧꦤꦺꦏꦲꦸꦩ꧀ꦩꦸꦱ꧀ꦭꦶꦩ꧀ꦲꦶꦷꦱꦱꦶꦫꦩꦣꦤ꧀ꦲꦶꦏꦶꦤꦶꦤ꧀ꦢꦏ꧀ꦏꦏꦺꦥꦱ꧉

ꦲꦶꦷꦠꦲꦸꦤ꧀꧇꧒꧐꧒꧐꧇ꦲꦶꦏꦶꦮꦸꦭꦤ꧀ꦥꦱꦧꦔꦼꦠ꧀ꦲꦶꦱ꧀ꦠꦶꦩꦺꦮ꧉ꦲꦶꦱ꧀ꦠꦶꦩꦺꦮ

ꦲꦩꦂꦒꦲꦶꦷꦱꦠꦼꦔꦃꦲꦶꦷꦏꦲꦤꦤ꧀ꦢꦸꦩꦢꦶꦤꦺꦮꦧꦃꦏꦺꦴꦥ꦳ꦶꦢ꧀꧇꧑꧙꧇꧉ꦪꦲꦶꦏꦸ

ꦭꦭꦫꦏꦁꦢꦶꦱꦼꦧꦧ꧀ꦧꦏꦺꦥ꦳ꦶꦫꦸꦱ꧀ꦏꦺꦴꦫꦺꦴꦤ꧉

꧋ꦥ꦳ꦶꦫꦸꦱ꧀ꦲꦶꦏꦶꦒꦩ꧀ꦥꦷꦧꦔꦼꦠ꧀ꦤꦼꦤꦸꦭꦂꦲꦶꦷꦲꦤ꧀ꦠꦫꦤꦺꦮꦺꦴꦁꦏꦁꦏꦼꦠꦩꦤ꧀ꦩꦫꦁꦮꦺꦴꦁ

ꦭꦶꦪꦤꦺꦩꦸꦁꦱꦫꦤꦕꦼꦕꦼꦣꦏ꧀ꦏꦤ꧀꧈ꦪꦲꦶꦏꦸꦤꦭꦶꦏꦮꦺꦴꦁꦏꦁꦏꦼꦠꦩꦤ꧀ꦲꦶꦏꦸ

ꦩꦲꦸꦮꦲꦶꦁꦲꦸꦠꦮꦮꦠꦸꦏ꧀ꦔꦼꦠꦺꦴꦏ꧀ꦏꦏꦺꦲꦮꦏꦁꦔꦤ꧀ꦝꦸꦠ꧀ꦥ꦳ꦶꦫꦸꦱ꧀ꦲꦶꦏꦸꦩꦲꦸ꧉

ꦲꦺꦴꦫꦩꦸꦁꦏꦸꦮꦶꦮꦲꦺ꧈ꦧꦫꦁꦲꦥꦮꦲꦺꦏꦁꦤꦠꦺꦢꦶꦕꦼꦏꦼꦭ꧀ꦮꦺꦴꦁꦏꦁ

ꦏꦼꦠꦩꦤ꧀ꦧꦶꦱꦢꦢꦶꦱꦫꦤꦤꦸꦭꦂꦫꦏꦺ꧉

‌꧋ꦏꦤ꧀ꦝꦶꦩꦁꦏꦺꦴꦤꦺꦴꦏꦁꦒꦺꦴꦔꦮꦺꦏꦤꦶꦲꦩꦿꦶꦃꦕꦼꦥꦼꦠ꧀ꦱꦸꦩꦼꦧꦂ꧈ꦮꦺꦴꦁꦮꦺꦴꦁꦥꦣ

ꦢꦶꦲꦚ꧀ꦗꦸꦂꦫꦏꦺꦧꦠꦼꦱ꧀ꦱꦶꦲꦁꦒꦺꦴꦤ꧀ꦤꦺꦱꦿꦮꦸꦁ꧉ꦩꦤꦮꦱꦱꦩ꧀ꦧꦸꦁꦔꦤ꧀ꦱꦧꦶꦱꦧꦶꦱ

ꦲꦚ꧀ꦗꦒꦗꦫꦏ꧀꧈ꦏꦸꦫꦁꦭꦸꦮꦶꦃꦱꦩꦺꦠꦼꦂꦫꦤ꧀꧈ꦢꦢꦶꦥꦚ꧀ꦕꦺꦤ꧀ꦲꦤꦺꦃꦧꦔꦼꦠ꧀ꦤ

ꦔꦶꦷꦪꦏꦪꦩꦁꦏꦺꦴꦤꦺꦴꦕꦫꦤꦺ꧉

Uar-ular

Sawise mlaku sauntara wektu, KBM Daring, mligine pasinaon Bahasa Jawa saiki ganti alamat ing aplikasi Google Classroom. Kang wis nggunakake kelas ing aplikasi iki 10 ips 3. Sabanjure samengko kelas-kelas liyane uga melu nggunakake.

Anggone nggunakake aplikasi iki gampang wae, sawise ngundhuh lan nginstal Google Classroom banjur login nganggo akun email. Manawa wis login banjur gabung utawa joint. Otomatis ing layar nampilake halaman kang dikarepake lan ing kono wis ana apa-apa kang kudu disinau lan manawa ana tugas wis tinulis kanthi katerangane.

Kaluwihan aplikasi iki bisa nulis wangsulan utawa jawaban langsung ing kaca kasebut. Bisa nglampirake gambar manawa diperlokake. Format file uga wis nyakup saka saliyane ms office. Dadi sanajan sederhana nanging mitayani ing ulah format file. Fitur utawa piranti utawa halaman penilaian uga ana.

Kanthi mangkono para siswa diajab supaya luwih mempeng lan seneng anggone sinau lan nambah wawasan. Siji kang dadi kendhala yaiku jenis font carakan kang mbokmenawa para siswa kudu luwih anggone sinau lan nyoba supaya prigel. Font iku satemene kaperang dadi loro. Sepisan font carakan kang bisa kanggo nulis ing komputer lan jenis font kang bisa kanggo nulis ing komputer uga ing halaman web. Kang sepisan bisa kanggo nulis ing komputer nanging ora bisa kanggo nulis ing halaman web.

Dene kang kapindho yaiku jenis font kang bisa kang kanggo nulis ing halaman web lan anggone ngetik utawa papan keyboard e beda karo anggone ngetik font carakan biasa. Kanthi ngundhuh lan nginstal font Tuladha Jejeg lan setup keyboard Gugahen Nyawaku, lagi bisa nggunakake jenis font iki. Aksara pasangan ora ngetik shift +huruf, nanging huruf kang arep diwenehi pasangan mung cukup diketik aksara pangkon, otomatis aksara sabanjure dadi aksara pasangan.

Contone tembung saiki wis ora kantoran, nulise ngene iki     ꦱꦲꦶꦏꦶꦮꦶꦱ꧀ꦲꦺꦴꦫꦏꦤ꧀ꦠꦺꦴꦂꦫꦤ꧀

tembung kantoran ing dhuwur ora diketik na banjur shift ta, nanging na pangku terus ta, otomatis aksara ta dadi aksara pasangan.

Mangkono ular-ular magepokan KBM Daring, ing wasana muga ora ndadekake sungkan, jenuh, apamaneh nglokro. Suwalike ing pangajab muga tambah sengkud gumregut anggone marsudi nyinau amrih ora ketinggalan jaman. 

DARING 22042020

ꦢꦶꦲꦫꦤ꧀ꦤꦶꦥꦔꦤꦤ꧀ꦠꦿꦝꦶꦱꦶꦲꦺꦴꦤꦭ꧀ꦲꦥꦭꦤ꧀ꦠꦸꦭꦶꦱ꧀ꦤꦕꦫꦤꦺꦲꦁꦒꦮꦺꦏꦤ꧀ꦛꦶꦲꦸꦫꦸꦠ꧀ꦲꦸꦒ

ꦠꦸꦭꦶꦱ꧀ꦤꦲꦫꦤ꧀ꦤꦺꦥꦔꦤ꧀ꦤꦤ꧀ꦠꦿꦢꦶꦱꦶꦲꦺꦴꦤꦭ꧀ꦭꦶꦪꦤꦺ

DARING 20042020

Wacanen banjur tulisen kanthi basamu dhewe lan wenehana gambare (tgs kelompok)

AKSARA ANGKA

Aksara angka kang kanggo kelas 10 ips 3

꧇꧑꧐꧇ꦏꦶꦭꦺꦴꦩꦺꦠꦼꦂꦮꦶꦱ꧀ꦫꦩ꧀ꦥꦸꦁ

꧇꧑꧕꧇ꦲꦶꦁꦠꦼꦔꦃꦲꦶꦁꦱꦱꦶ

꧇꧗꧔꧇ꦏꦶꦭꦺꦴꦒꦿꦩ꧀ꦧꦼꦫꦱ꧀

꧇꧙꧕꧇ꦥꦼꦂꦱꦺꦤ꧀ꦮꦶꦱ꧀ꦫꦩ꧀ꦥꦸꦁ

꧇꧙꧖꧇ꦥꦼꦂꦱꦺꦤ꧀ꦏꦼꦤꦮꦧꦃ

ꦧꦫꦁꦔꦺꦲꦤ꧇꧙꧇ꦲꦶꦗꦶ

ꦣꦺꦣꦺꦱꦧꦼꦤ꧀ꦗꦩ꧀꧇꧑꧐꧇

ꦲꦺꦤ꧀ꦠꦸꦏ꧀ꦤꦺꦴꦩꦼꦂ꧇꧒꧗꧖꧕꧇

ꦒꦼꦣꦸꦁꦤꦺꦴꦩꦼꦂ ꧇꧑꧐꧇ꦫꦸꦮꦁ꧇꧔꧕꧇

ꦲꦶꦱꦺꦤ꧀ꦤꦤꦏꦺꦴꦭꦺꦴꦩ꧀꧇꧑꧓꧇

ꦗꦩ꧀꧇꧒꧓꧈꧔꧕꧇ꦧꦼꦔꦶ

ꦏꦢꦢꦺꦪꦤ꧀ꦲꦶꦁꦱꦱꦶ꧇꧑꧒꧇

ꦏꦩꦂꦤꦺꦴꦩꦼꦂ꧇꧔꧘꧇

ꦭꦗꦸꦂ꧇꧒꧔꧇ꦤꦺꦴꦩꦼꦂ꧇꧑꧒꧇

ꦤꦺꦴꦩꦼꦂ꧇꧓꧔꧕꧑꧇

ꦉꦒꦒꦸꦭꦱꦲꦶꦏꦶ꧇꧑꧘꧕꧐꧐꧇

ꦉꦒꦋꦔ꧇꧒꧓꧕꧐꧐꧇

ꦠꦲꦸꦤ꧀꧇꧒꧐꧑꧙꧇ꦲꦤꦮꦧꦃ


ꦠꦼꦏꦤ꧀ꦗꦩ꧀꧇꧑꧔꧈꧓꧕꧇

ꦮꦠꦫꦗꦩ꧀꧇꧑꧔꧈꧔꧕꧇

ꦮꦶꦱ꧀ꦲꦺꦤ꧀ꦠꦸꦏ꧀꧇꧑꧐꧇ꦠꦺꦴꦤ꧀

ꦮꦶꦱ꧀ꦲꦺꦤ꧀ꦠꦸꦏ꧀꧇꧒꧔꧇ꦗꦩ꧀

ꦏꦠꦼꦫꦁꦔ꧀ꦤꦶꦁꦥꦱꦶꦤꦪꦺꦴꦤ꧀

pembetulan nomer 10

642 iji wis diungkusi, kari 80 sing durung

꧇꧖꧔꧒꧇ꦲꦶꦗꦶꦮꦶꦱ꧀ꦢꦶꦲꦸꦁꦏꦸꦱ꧀ꦱꦶ꧈ꦏꦫꦶ꧇꧘꧐꧇ꦱꦶꦁꦢꦸꦫꦸꦁ

Perhatikan penulisan akhiran i dlm kata diungkusi, dalam paugeran panulisaning aksara Jawa panambang i malih dadi sasigeging wanda. Tegese ora madeg dhewe lan panulisane melu aksara sa, dadi sa legena banjur pasangan sa kasandhangan wulu.


Conto liyane :

tekane

ꦠꦼꦏꦤ꧀ꦤꦺ

wis-wisan

ꦮꦶꦱ꧀ꦮꦶꦱ꧀ꦱꦤ꧀

gugahen

ꦒꦸꦒꦃꦲꦼꦤ꧀

uluren

ꦲꦸꦭꦸꦂꦉꦤ꧀

DARING 13042020

Tugas Salin ing aksara Jawa

Wabah kang ndrebala

Lelara Covid-19

sumber saka https://covid19.go.id

DARING 08042020

Kadadean Luar Biasa

Covid-19

Ing antarane manungsa siji lan sijine bisa ketularan Covid-19 saka pawongan kang kena virus. Covid-19 sumebar saka wong siji marang pawongan liyane lelantaran hawa kang ngandhut banyu (idu) nalika wahing utawa nalika cecedhakan. Sanajan idu mau mung arupa abab. Idu kang kang ngandhut virus mau banjur nemplek ing barang-barang sacedhake. Banjur manawa ana wong kang ndemok barang mau bisa uga ketularan nalika tangane kang ketempelan mau ngusap mripat nyenthok irung utawa tutuk.

Wisuh mujudake cara kang gampang lan aman kanggo nglindhungi saka ketularaning virus Covid-19. Sanajan mung wisuh, wijik nanging ana tatacarane kang bener. Jumbuh karo ugeraning WHO kaya ing ngisor iki.

1. Telesana driji

2. Wenehi sabun sacukupe

3. Gosok kanthi rata. Mlumah mungkurepe.

4. Semono uga sela-selaning driji.

5. Tlangkupna tangan lelorone.

6. Nggegem lan wisuhana jempol.

7. Ora lali pucuk-pucuking driji.

8. Gosok tangan saka poking driji tekan peranganing kuku.

9. Lap tangan mau kanthi lap kang resik bisa nggunakake tisu.

10. Tutup kran ngganggo sikut utawa lambaran lap tisu kanggo nyegah sumebare lelara amarga virus Covid-19

Sikap kang bisa ditindakake amrih lelara Covid-19 ora sumebar :

1. Tangan tansah wisuh kanthi sabun utawa antiseptik kang ngandhut alkohol.

2. Njaga jarak saora-orane sak meter nalika cecedhakan karo wong watuk.

3. Ngengurangi anggone ngusap mripat, irung lan tutuk nalika tangan reget.

4. Pesthekna wong-wong ing sacedhakmu ngerti etikane nalika watuk.

5. Nggunakake masker nalika metu saka ngomah.

6. Tetep ana ing njero ngomah nalika awak krasa lara.

7. Memangan kang akeh vitamine kanggo ningkatake daya tahan raga.

Tembang Praon

Tembang pilihan Praon

Tembang Dhandhanggula

Tembang Gambuh

Tembang Swara Suling

Pidato Bahasa Jawa

Conto Pambuka

Conto Panutup

Ujian Praktek 2020

Materi ujian praktek

sinom

sinom mp3

https://drive.google.com/file/d/15RuE8uSu85Fl39IdPhXcJYLQXWOkqvrF/view?usp=sharing

Notasi tembang Sinom

Notasi

Tembang Sinom

Sinom macapat

Tembang Dhandhanggula

Dhandhanggula

Notasi Tembang Dhandhaggula

Pedhotaning Tembang Dhandhanggula