Kateranganing tembang Asmaradana

Tembang Asmaradana iku bisa nggambarake watak sengsem, sedhih lan prihatin. Ing cakepan tembang kang unine : Paduka manjinga puri, prakawis praptaneng mengsah, wanara ampuh yudane, kathah bupati kang pejah, tumpes sawadyanira, prajangga pragongsa lampus, mintragna lan wirupaksa. Tembang iki nggambarake nalika wadyabalane Prabu Ramawijaya nalika nyerang Alengka kanthi manggala-manggalaning Prabu Ramawijaya kaya Anoman, Sugriwa lan Subali. Wondene ing pihake Dasamuka ya Rahwana, wadyabalane ana Prajangga, Mintragna, Wirupaksa lan Pragongsa kang banget digdayane. Trengginas ing ulah gegaman lan pilih tandhing. Amarga tumindake Dasamuka kang nyulik Dewi Sinta, sedulur - sedulure, kang aran Gunawan Wibisana lan Kumbakarna satemene wis ngandhani manawa tumindak nyulik Dewi Sinta iku ora bener. Nanging sarehning kepengin ndadekake Dewi Sinta minangka bojone, mula Dasamuka marlupa, lali jejering satriya utama. Satemah dadi dalan ambruke karaharjane praja Alengka.