Gladhen Aksara Rekan 2

 

Gladhen Aksara Rekan 1

 

Ghiovani lan Khanza padha dene bocah sregep sinaune. Mulih sekolah tansah ora lali bukak buku kang diwulangake ing sekolahan mau. Mula bijine mesthi apik angger ulangan. Fisika lan liyane kalebu Bahasa Jawa. Prigel anggone maca lan nulis aksara Jawa. 

Durung suwe iki Fatonah ketemu kancane sing wis suwe ora ketemu, jenenge Zakiya Ghinamantari. Bocahe supel lan luwes, marang sapa wae tansah ngajeni. Mula Fatonah dadi seneng lan kangen menawa ora ketemu.

Vitamin iku penting tumrap kasarasaning badan. Vitamin jinise akeh lan satemene bisa ditemokake ing buah lan sayuran. Contone vitamin A bisa ditemokake ing woh-wohan utawa buah Tomat. Bu Khodijah, tansah nyedhiake kanggo putra-putrine.

Wis sauntara wektu iki pak Bani Ghafroni tindak Jakarta niliki putrane kang asmane mas Fathoni. Tindake pak Bani Ghafroni karo putra wuragile, mas Zakaria. Ana Jakarta, saliyane niliki putrane, pak Bani Ghafroni uga silaturahmi menyang daleme sedulur-sedulure.

Polisi iku nalika ana pahargyan pitulas agustusan, padha jaga ing pinggir dalan. Wektu iku kang tugas, ana pak Lintang Khomara, pak Bagus Adzani, pak Dzamroni lan pak Jaya Ghazali. Semangate luar biasa, sanajan panas tetep  siaga.

Tim bola voli sekolahaku menang dadi juara siji sawise ngalahake lawane. Para pemain kang maju dadi tim inti, antarane; Firmansah, Ghani Santosa, Khalid Herjuna lan Bambang Zahrowi. Sak tim padha kompak manut mituhu marang pelatihe ya guru Olah Ragane, pak Burhan Khazangga.

 

Paragraf Aksara Rekan

 

Esuk mau Zahra karo Fatimah menyang Surabaya numpak mobil kang disopiri dening Fahmi. Sing ana jero mobil uga ana bapake Zahra, yaiku pak Abdul Khalid. Dene kepentingane, Zahra lan Fatimah arep nerusake kuliah ing kota pahlawan kasebut.

Adzan Subuh wis kumandhang. Umat Islam enggal nindakake kewajibane. Pak Zainuri karo garwane bu Khoirunisa lan putra-putrine uga wis samekta tindak Masjid. Khoirudin, Fitri, Azaya lan Ghana wis budhal dhisik.

Fatimah tuku vitamin ing toko cedhak omahe kagungane bu Fita. Dina-dina iki Fatimah sregep olah raga Voli karo kancane, Azahra, Khizya, Ghina lan Dzaratun. Ngadhepi pitulasan iki Fatimah sakanca mempeng anggone latihan.

 Sawise kondur anggenipun minggah kaji, pak Khasan sekalian garwa bu Siti Zulana maringi oleh-oleh marang tangga teparone. Bu Khotimah, pak Zamari, pak Adzani, uga pak Fahmi. Oleh-olehe saliyane banyu zam-zam uga ana sajadah lan panganan kas Arab.

Ulang tahune Faiturohman tahun iki arep dienekake ing ngomah wae. Ora kaya tahun wingi ing rumah makan Zamani. Kancane padha diundang, mligine Zamroni, Khalid, Fatimah lan Zaratun. Sanajan ana ngomah, acarane bakal ngundang musik Gambus, Al-Dzahwa.