Budaya

Artikel : Nglestarikake Budaya Dening : Slamet Riyadi Yunianto

Nglestarikake budaya sing ana ing Indonesia dadi babagan sing penting amarga akeh mlebune budaya- budaya asing ana ing Indonesia. Kurange filterisasi adhep budaya asing sing mlebu menyang Indonesia nggawe budaya sing ana ing Indonesia saya luntur mboko setitik. Dadi conto sing yen ana dina-dina gedhe ing Indonesia masyarakat saiki umume mengeti kanthi cara hura-hura. Kurange kelingan lan ora anane filterisasi dadi ancaman sing serius kanggo kebudayaan ing Indonesia. Ora mung kuwi, lunture kebudayaan ing Indonesia saka dene arus globalisasi sing cepet banget, saka teknologi, nganti basa ugo dadi korban. Awake dhewe delok wae, arang banget anak-anak saiki sing dolanan tradisional,sing dingerti mung playstation (PS) lan dolanan HP. Kuwi contho sing ala banget kanggo Indonesia. Dudu mung kuwi akehe kebudayaan Indonesia sing di klaim dening negara liya ugo dadi ancaman sing serius banget kanggo bangsa Indonesia, kurange kawigatosan saka Pemerintah marang kebudayaan kesebut sing marakke Indonesia wis kelangan akeh budaya utawa diakui dening negara liya. Nanging pancen ora etis yen awake dhewe mung ngomongna pengaruh-pengaruh sing bisa nglunturke kebudayaan ing Indonesia. Awake dhewe selaku bangsa lan rakyat Indonesia sakudune eling, kanggo pentinge bentuk sawijining kebudayaan. Dudu mung mahami, nanging mulai saiki nyoba tetep nglestarekne kebudayaan-kebudayaan sing ana ing Indonesia. Kajaba kuwi, kudu ditingkatake rasa Nasionalisme kanggo kabeh warga negara Indonesia. Aja nganti, kedaden-kedaden sing wis bisa nglunturke kebudayaan kedadean maneh . Aja uga anak putu awake dhewe, ora ngerti apa kuwi wayang wong,wayang kulit, tari , lagu dolanan, lsp. Mula mulai saiki kudu dilestarikake kabudayaan kang ono lan ojo nganti ilang lan dilalekake dening generasi enom.