RAMADHAN (4)

꧋ꦏꦤ꧀ꦛꦶꦩꦁꦏꦺꦴꦤꦺꦴꦲꦚ꧀ꦗꦒꦲꦮꦏ꧀ꦏꦺꦣꦺꦮꦺꦲꦶꦁꦱꦠꦼꦔꦃꦲꦶꦁꦏꦁꦏꦸꦫꦁ

ꦚꦼꦤꦼꦁꦔꦏꦺꦲꦶꦏꦶꦥꦼꦂꦭꦸꦧꦔꦼꦠ꧀꧈ꦱꦼꦥꦶꦱꦤ꧀ꦲꦚ꧀ꦗꦒꦏꦉꦱꦶꦏ꧀ꦏꦤꦣꦶꦫꦶ

ꦭꦤ꧀ꦲꦚ꧀ꦗꦒꦆꦩꦸꦤꦶꦠꦱ꧀ꦲꦮꦏ꧀ꦱꦸꦥꦪꦠꦼꦠꦼꦥ꧀ꦱꦺꦲꦠ꧀ꦧꦒꦱ꧀ꦮꦫꦱ꧀꧈

ꦭꦤ꧀ꦲꦚ꧀ꦗꦒꦏꦼꦲꦩꦤ꧀ꦤꦤ꧀ꦭꦶꦁꦏꦸꦔꦤ꧀ꦲꦩꦿꦶꦃꦲꦺꦴꦫꦔꦤ꧀ꦠꦶꦏꦼꦕꦺꦴꦭꦺꦴꦁꦔꦤ꧀ꦢꦺ

ꦤꦶꦁꦮꦺꦴꦁꦏꦁꦢꦸꦮꦺꦤꦶꦪꦠ꧀ꦠꦸꦩꦶꦤ꧀ꦢꦏ꧀ꦲꦭ꧈ꦩꦭꦶꦁꦭꦤ꧀ꦱꦥꦤꦸꦁꦒꦭ꧀ꦭꦤ꧀ꦤꦺ꧉

꧋ꦮꦼꦏꦱ꧀ꦱꦤ꧀ꦤꦺꦏꦁꦧꦶꦱꦏꦠꦶꦤ꧀ꦢꦏ꧀ꦏꦏꦺꦪꦲꦶꦏꦸꦢꦼꦢꦺꦴꦔꦱꦸꦥꦪꦏꦲꦤꦤ꧀ꦲꦶ

ꦏꦶꦧꦭꦶꦥꦸꦭꦶꦃꦤꦺꦴꦂꦩ꧀ꦭꦸꦩꦿꦃꦮꦗꦂ꧉ꦩꦸꦩ꧀ꦥꦸꦁꦲꦶꦏꦶꦶꦲꦶꦁꦮꦸꦭꦤ꧀ꦫꦩꦣꦤ꧈ꦮꦸꦭꦤ꧀

ꦏꦁꦏꦼꦧꦏ꧀ꦧꦂꦏꦃꦩꦸꦒꦩꦸꦒꦭꦭꦫꦏꦺꦴꦥ꦳ꦶꦢ꧀꧇꧑꧙꧇ꦲꦺꦁꦒꦭ꧀ꦱꦶꦂꦤ

ꦭꦤ꧀ꦥꦶꦲꦏ꧀ꦏꦼꦲꦩꦤꦤ꧀ꦧꦶꦱꦚꦼꦒꦃꦲꦩ꧀ꦧꦿꦱ꧀ꦠꦮꦺꦴꦁꦮꦺꦴꦁꦏꦁꦠꦸꦩꦤ꧀ꦢꦏ꧀ꦲꦭ꧉

ꦱꦠꦼꦩꦼꦤ꧀ꦤꦺꦮꦶꦱ꧀ꦲꦤꦱꦱꦤ꧀ꦠꦶꦏꦁꦲꦸꦤꦶꦤꦺꦱꦸꦫꦢꦶꦫꦗꦪꦤꦁꦫꦠ꧀ꦭꦼꦧꦸꦂꦢꦺꦤꦶꦁ

ꦥꦔꦱ꧀ꦠꦸꦠꦶ꧉ꦱꦼꦥꦶꦫꦒꦼꦣꦺꦭꦤ꧀ꦲꦤ꧀ꦢꦽꦧꦭꦤꦺꦏꦢꦸꦂꦗꦤꦤ꧀ꦧꦏꦭ꧀ꦱꦶꦂꦤ

ꦢꦺꦤꦶꦁꦠꦸꦩꦶꦤ꧀ꦢꦏ꧀ꦏꦧꦼꦕꦶꦏ꧀ꦏꦤ꧀꧉        ꧁ꦤꦸꦮꦸꦤ꧀꧂

RAMADHAN (3)

‌꧋ꦔꦤ꧀ꦠꦶꦏꦥꦤ꧀ꦮꦧꦃꦏꦺꦴꦥ꦳ꦶꦢ꧀꧇꧑꧙꧇ꦲꦶꦏꦶꦩꦤ꧀ꦝꦼꦒ꧀ꦲꦺꦴꦫꦲꦤꦱꦶꦁꦔꦼꦂꦠꦶ꧉

ꦪꦩꦸꦁꦱꦏꦲꦣꦼꦣꦱꦂꦏꦱꦣꦂꦫꦤ꧀ꦩꦱꦾꦫꦏꦠꦲꦁꦒꦺꦴꦤ꧀ꦤꦺꦲꦁꦒꦸꦒꦸꦲꦠꦸꦂꦫꦤ꧀ꦏꦁ

ꦮꦶꦱ꧀ꦢꦶꦒꦮꦺꦥꦩꦫꦺꦤ꧀ꦠꦃ꧉ꦩꦤꦮꦧꦼꦤꦼꦂꦧꦼꦤꦼꦂꦩꦶꦠꦸꦲꦸꦭꦤ꧀ꦧꦶꦱꦲꦚ꧀ꦗꦒ

ꦲꦮꦏ꧀ꦏꦺꦣꦺꦮꦺꦭꦤ꧀ꦭꦶꦁꦏꦸꦁꦔꦤꦏꦶꦮꦠꦼꦔꦼꦤ꧀ꦤꦺ꧈ꦮꦧꦃꦲꦶꦏꦶꦩꦼꦱ꧀ꦛꦶꦲꦺꦁꦒꦭ꧀ꦩꦼꦤ꧀ꦝ꧉

꧋ꦲꦤꦔꦶꦁꦢꦸꦫꦸꦁꦔꦤ꧀ꦠꦶꦮꦧꦃꦲꦶꦏꦶꦱꦸꦢ꧈ꦮꦶꦱ꧀ꦏꦠꦩ꧀ꦧꦃꦲꦤ꧀ꦏꦲꦤꦤ꧀ꦏꦁꦲꦺꦴꦫꦚꦼꦤꦼꦁꦔ

ꦏꦺꦲꦩꦂꦒꦣꦩ꧀ꦥꦏ꧀ꦢꦶꦧꦺꦧꦱ꧀ꦱꦏꦺꦤꦥꦶ꧉ꦲꦏꦺꦃꦥꦮꦂꦠꦠꦶꦤ꧀ꦢꦏ꧀ꦏꦼꦗꦲ


ꦠꦤ꧀ꦩꦲꦶꦁꦏꦤꦏꦺꦤꦺ꧉ ꦏꦲꦤꦤ꧀ꦲꦶꦏꦶꦤꦩ꧀ꦧꦃꦲꦶꦫꦱꦮꦱ꧀ꦱꦸꦩꦼꦭꦁꦏꦁꦠꦸꦤ꧀ꦝꦺꦴ

ꦤꦺꦧꦶꦱꦚꦼꦧꦧ꧀ꦧꦏꦺꦆꦩꦸꦤ꧀ꦲꦸꦠꦮꦣꦪꦠꦲꦤ꧀ꦠꦸꦧꦸꦃꦱꦸꦢ꧉ꦱꦸꦢꦤꦶꦁ

ꦆꦩꦸꦤ꧀ꦲꦶꦏꦶꦧꦔꦼꦠꦲꦤ꧀ꦢꦢꦺꦏ꧀ꦏꦏꦺꦱꦩꦸꦧꦫꦁꦭꦭꦫꦒꦩ꧀ꦥꦁꦠꦸꦩꦩ꧉

RAMADHAN (2)

tut wuri handayani

  ꧋ꦕꦼꦼꦼꦛꦤꦺꦲꦁꦒꦺꦴꦤ꧀ꦤꦺꦏꦸꦩ꧀ꦥꦸꦭ꧀ꦏꦸꦩ꧀ꦥꦸꦭꦢꦶꦭꦫꦁꦏꦁꦒꦺꦴꦱꦮꦠꦫꦮꦼꦏ꧀ꦠꦸꦲꦶꦏꦶ꧉

ꦏꦊꦧꦸꦱꦺꦴꦭꦠ꧀ꦗꦩꦔꦃꦲꦶꦁꦩꦱ꧀ꦗꦶꦢ꧉ꦱꦼꦩꦺꦴꦤꦺꦴꦲꦸꦒꦱꦺꦴꦭꦠ꧀ꦠꦫꦮꦺꦃ

ꦲꦶꦁꦠꦲꦸꦤ꧀ꦲꦶꦏꦶꦲꦺꦴꦫꦢꦶꦲꦺꦤꦺꦏ꧀ꦏꦏꦺꦏꦪꦥꦢꦠꦤ꧀꧈ꦤꦔꦶꦁꦕꦸꦏꦸꦥ꧀ꦱꦺꦴ

ꦭꦠ꧀ꦠꦫꦮꦺꦃꦲꦶꦁꦲꦺꦴꦩꦃꦲꦺꦣꦺꦮꦺꦣꦺꦮꦺ꧉ꦏꦼꦒꦶꦪꦠꦤ꧀ꦭꦶꦪꦤꦺꦏꦪ

ꦥꦼꦔꦗꦶꦪꦤ꧀꧈ꦠꦢꦫꦸꦱ꧀ꦱꦤ꧀ꦏꦁꦔ꧀ꦭꦶꦧꦠ꧀ꦠꦏꦺꦮꦺꦴꦁꦲꦏꦺꦃꦲꦸꦒꦢꦶꦲꦚ꧀ꦗꦸꦂꦫꦏꦺ

ꦲꦺꦴꦫꦢꦶꦭꦏ꧀ꦱꦤꦏ꧀ꦏꦏꦺ꧉