Gaya Bahasa

Soal Remidi

1. Terangna bab serat Wulangreh sapa kang nganggit lan tulisna pada sepisan pupuh Kinanthi.

2. Terangna bab serat Wedhatama, sapa kang nganggit lan urutna pupuh apa wae.

3. Tulisna pada sepisan saka serat Wedhatama pupuh Kinanthi.

4. Tulisna pada kaping nem saka serat Wedhatama.

5. Tulisna tegese

    sirnakna semanging kalbu, den waspadakna ing pangeksi

6. Kalebu gaya bahasa apa ukara ing ngisor iki 

a. Apa awake dhewe tega ngetogake wong-wong iku padha kaliren

b. Arum banget gandane awakmu nganti ora ana wong betah neng cedhakmu 

c. Kowe isih wae micara, micara lan micarakake kekuranganing wong liya 

d. Pangarasanipun nduren sajuring 

e. Bangkekanipun nawon kemit

7. Susul sinusul sineselan pindha kapuk kagawekake bantal, kalebu purwakanthi apa ?

8. Ati tatag,  watak teguh tanggon, tan tinggal tata-trapsila, adate bisa ngentasi karya. 

   Ukara iku kalebu purwakanthi apa ?

9. Sebutna struktur fisik geguritan.

10. Sebutna struktur batin geguritan.

11. Gawea geguritan kang nganggo purwakanthi swara lan purwakanthi sastra. Judul lan tema bebas.

NILAI PTS 2019

Panyandra Temanten

Swuh rep data pitana, anenggih pundi ta ingkang adi dasa purwa, eka marang sawiji, adi linuwih dasa sepuluh, purwa wiwitan. Anenggih punika nagari hadiningrat. Mila kinarya bebukaning panyandra satunggaling nagari ingkang rinengga-rengga sagunging kaendahan rerupen ingkang maneka warna, satemah andadosaken adi miwah asri peni ing pandulu.

Ingkang sedaya kalawau sayekti mratandhani bilih sakalangkung ageng raos bombong bingahipun angrenggani wisma hamengku karya, inggih panjenenganipun bapa………ingkang kepareng hamiwaha ingkang putra temanten sekaliyan. Ingkang wekdal samangke sampun kepareng jengkar saking palenggahan tumuju mring sasana busana arsa gantos pengageman. Punapa ta menggah pangageman ingkang den agem putra temanten sekaliyan. Temanten sekaliyan mangagem busana kaunggulaning busana ingkang endah ing warni pating galebyar, pating karelap sunare angebaki salebeting wisma pawiwahan mubyar sumunar kadya sesotya tinaretes kang kinarya rerengganing busana.

Satemah anambahi kawibawane putra penganten sekaliyan ingkang katingal pekik myang sulistya ing warni wadanane sumunar. Lamun cinandra sirna sipating janma pindha sang Hyang Bathara Kamajaya miwah Bathari Ratih mangejawantah.

Tindaking sri penganten sekaliyan den arak patah sakembaran ingkang sarwa sami, dedeg piyadege, angagem busana ingkang sarwa kembar dhasar taksih timur. Inggih punika anak ayu rara……….ingkang anggambaraken raos sih katresnan sri penganten kekalih ingkang datan saged pinisahaken sakedhap kemawon. Anenggih sinten ta ingkang pinitados minangka suba manggalaning lampah. Wenang den ucapna asesilih panjenenganipun bapa………ingkang anggadhahi daya kawibawan agung ingkang satemah saged anyirep saliring tumindak.

Lamun cinandra Sang Hyang Bathara mangejawantah, mangarsani tindakipun sri temanten sekaliyan ingkang asesanti : ing ngarsa sung tuludha. Yekti manawi suba manggalaning lampah satunggaling priyantun ingkang lebda ing pradangga, katitik satindak tuwin satindak tansah mawi let wiramaning gendhing. 

Tindakipun sri temanten sekaliyan ing sawingkingipun kadherekaken satriya sakembaran. Sigit lan sentosa dedeg piyadegipun. La sinten ta ingkang dados satriya sakembaran punika, wenang den ucapna sesilih nak mas :……..miwah nak mas :………ingkang samangke taksih ngudi kawruh wonten pawiyatan…….mila para manggala suba gagah prakosa sampun pantes manawi saged njagi ruwet rentenging penggalih saha rubedane penganten sarimbit. Sinambutan ginarubyug sagunging putri dhomas cacah kawan atus.

SRI minggat

Tugas Bahasa Jawa kls XII ips 3

 

"Aku cah kerja"

Notasi tembang Sinom

https://drive.google.com/file/d/15RuE8uSu85Fl39IdPhXcJYLQXWOkqvrF/view?usp=sharing